Nashyrningur

2006-04-17T22:55:00.000Z

Dásamlegt færi þegar neðar kom en snjórinn nær bara alltof stutt niður (niðrí svona 600 metra)

Eyjafjallajökull

2006-04-17T22:53:00.000Z

Sól og gífurlegt útsýni - en soldið hart færi

2006-04-16T11:25:00.001Z

Inga er þarna einhversstaðar innaní gallanum

2006-04-16T11:25:00.000Z

Smá slökun eftir 3ja tíma róður

2006-04-16T11:24:00.000Z

sól og blíða

2006-04-16T11:23:00.000Z

Það skiptust á dimm él og ...

2006-04-16T11:22:00.000Z

2006-04-16T11:20:00.000Z

Sandey, Lyngdalsheiði og Nesjaey í baksýn - held ég :)

2006-04-16T11:15:00.000Z

Þarna var hægt að fara beint í gegn eða til hægri og út um aðrar dyr þar

2006-04-16T11:14:00.000Z

Það hefur verið hvasst þegar þessi ís myndaðist

2006-04-16T11:13:00.000Z

Ármannsfellið og Botnssúlurnar í skýjunum

2006-04-16T11:12:00.000Z

Víða hægt að stytta sér leið :)

2006-04-16T10:54:00.000Z

Hengillinn í baksýn

2006-04-16T10:50:00.000Z

Vatnið er líklega ekki langt frá frostmarki og því gott að vera vel gallaður

2006-04-16T10:45:00.000Z

Lítil og falleg vík sem er líklega aðeins sunnan við Eldvík (SV-vert vatnið)

2006-04-16T10:43:00.000Z

Þingvallavatn um páska

2006-04-13T17:55:00.001Z

"Þetta sport er bara ekki að gera sig fyrir mig"

2006-04-13T17:55:00.000Z

Sumir vildu alltaf vera að hvíla sig

2006-04-13T17:53:00.000Z

Maggi týndi slóðanum

2006-04-13T17:51:00.000Z

Þetta er fótosjoppað. Pétur var farinn og ég var ekki kominn - var enn að velta mér í drullunni með hjólið oná mér

2006-04-13T17:47:00.000Z

Maggi náði taki á honum og tókst að halda honum kjurrum á meðan ljósopið var opið. Svo var hann horfinn og tryllingslegur hláturinn lamdist á klettunum.

2006-04-13T17:43:00.000Z

Vegurinn var drullugóður

2006-04-13T17:41:00.000Z

Sko! Sjáið tryllingslegt augnaráðið. Spurðu hann hvað hann heitir! Hann getur ekki svarað því.

Bræður

2006-04-13T17:37:00.000Z

Þessi í grænu úlpunni leynir á sér. Hann hverfur út í sólarlagið um leið og hann er sestur á bak.

Loksins

2006-03-01T21:22:00.000Z

... komst ég aftur inn á þetta svæði. Fyndið að vera læstur úti í næstum 2 ár og muna svo allt í einu notandanafnið aftur :)

2004-10-12T00:05:00.000Z

Ég og Gunnar Bragi við Hlöðufell - frekar ánægðir með okkur

Haustfagnaður Nashyrningsins

2004-09-19T13:52:00.000Z

Jamm, haustfagnaðurinn var í gærkvöldi. Hann hófst eins og vanalega með 2ja og hálfs tíma æfingu þar sem Sensai reynir að draga sem mesta orku úr okkur.
Því næst voru veitingarnar bornar í salinn og menn settust að snæðingi á japanska vísu í karate-göllunum og sitjandi á sessum á gólfinu.
Matseðillinn er nú alltaf að bæta á sig. Magnús kom með heimsins besta Sushi eins og hann er vanur og Sake. Við hinir komum með meira af Sake, fullt af Sapporo og Sashi og svo hinar ýmsustu kræsingar sem eru nú kannski ekki allar japanskar: Grafin hreindýrakálfslund, heitreiktur skarfur, hrár hnúfubakur, hrár lax, hrá lúða og sitthvað fleira. Allt etið með soja, vasabí og engifer. Það er ljóst að maður fær ekki betri mat þó maður fari á fínustu veitingastaði.
Eftir matinn hófust kraftakeppnir af misviturlegum sortum og svo hófst hinn hefðbundni "Setjum-Magga-í-allar-hlífarnar-og-ráðust-á-hann". Við vorum reyndar svo margir núna að Víðir leysti Magga af hólmi og svo leysti ég Víði af hólmi þegar hann var farinn að dreifa blóði um öll gólf.
Jamm, maður fann fyrir strengjum og marblettum ansi víða við að fara fram úr rúminu í morgun.

Talgervlar í Gautaborg

2004-09-19T13:01:00.000Z

Ég skrapp til Gautaborgar í síðustu viku - þurfti að mæta á fyrirlestra um talgervla vegna kúrsins sem ég er að taka í GSLT.
Þetta var þónokkuð ferðalag fyrir fyrirlestra í tæpan dag (frá 8 til 3). Ég flaug til Köben og tók SJ-lest þaðan, yfir nýju Eyrarsundsbrúna, gegnum Malmö, Lund, og fleiri bæi og endaði í Gautaborg. Þetta var á mánudeginum, fyrlestrar á Þriðjudeginum og svo fór ég sömu leið heim á miðvikudeginum. Ég var reyndar heppinn á leiðinni heim því þá fékk ég Just-Nu-Pris í Linx hraðlestina og var ekki nema 3 tíma til Köben.
Kallarnir sem tóku á móti okkur á Þriðjudagmorgninum voru Rolf Carlsson, Björn Granström og David House. Allt agalega vinalegir og skemmtilegir kallar sem eru búnir að grúska í talgervlum í áratugi.
David House talaði um hvernig við myndum hin ýmsu hljóð og gerði allskonar hljóðæfingar með eigin raddböndum, lungum, hálsi og nefi - húmoristi. Síðan kom Björn Granström og talaði um sögu talgervla og framþróun þeirra og stöðu í dag. Hann sýndi okkur m.a. dæmi um multi-modal charactera sem þeir hafa verið að smíða. Þess konar karakterar lesa texta og hafa andlit á tölvuskjánum sem sýnir svipbrigði og munnhreyfingar þegar þeir tala. Heyrnarskertir eru þegar að nýta sér svona karaktera til þess að lesa af vörum þeirra um leið og þeir hlusta á það sem þeir segja. Varalesturinn hjálpar þeim þá að fylla í eyðurnar þar sem þeir ná ekki að heyra það sem sagt er. Þetta er mjög spennandi svið Tungutækninnar - ég þarf einmitt að fara að ákveða hvað ég vil leggja áherslu á í Tungutækninni og ég held ég hafi fundið það hér.

Hjólaborg

2004-09-07T18:30:00.000Z

Þessi borg er alveg að sökkva undir bíla. Það er ekki séns að ég hætti mínum taugum í það að reyna að keyra í vinnuna á morgnana eða heim seinni partinn. Ég er svona 12 mínútur að hjóla í vinnuna og efast um að ég sé mikið fljótari að keyra og hvað þá þegar maður þarf að hanga í endalausum röðum af eiturspúandi stálhylkjum með morgunúrilla borgara innaborðs.
Þetta ástand fer versnandi - ég held að bæði komi til að umferðin er að aukast og hitt að ég þoli þetta verr og verr. En þeim mun betur líður mér með að hjóla allra minna ferða, jafnvel í hellidembu eins og var í morgun. Það jók bara á ánægjuna því ég vissi að bílstjórarnir væru enn verri í skapinu í grámyglunni og ég skráfþurr og eldhress innaní GoreTex gallanum mínum.
Annars langar mig að eiga Vespu - svona suður-evrópskt borgar-mótorhjól sem smýgur í gegnum umferðarhnúta og er með bögglabera fyrir rauðvínsflösku og bagettu. Ég held að það sé bara alveg orðinn raunhæfur kostur nú þegar við erum komin með suður-evrópskt veðurfar hér á sumrin. Ég held ég hafi séð mann á rafmagns-vespur niðrí bæ í fyrrasumar. Það væri auðvitað enn betri umhverfiskostur. En ég veit ekki hvort mig hefur dreymt þetta eða hvort þær fáist í raun og veru.
Jæja, þar kom pósturinn loks með bækurnar sem ég pantaði á fimmtudaginn var. Nú get ég farið að lesa um viðmótshönnun og samskipti manna og véla.

Alvöru sunnudagur

2004-09-05T21:07:00.000Z

Þetta var sko fjölskyldu-vænn sunnudagur.
Við vöknuðum öll í miklu stuði, átum morgunmat, og hjóluðum svo af stað út í þessa dásamlegu borg sem við búum í. Það skiptust reyndar á skin og skúrir.
Komum fyrst við hjá Nonnu og Todda á Lokastígnum og rifum þau upp úr rúmunum fyrir kl. 11. Þau báru sig nú samt vel og buðu upp á te og brauð. Síðan hjóluðum við lengra inn í Þingholtin og reyndum að heimsækja Pésa bróður. Hann var þá í Nýló. "OK við komum seinna".
Skelltum okkar þá á nýopnað Þjóðminjasafnið. Alveg hreint stórskemmtilegt safn og breytingar á húsnæðinu rosalega vel heppnaðar. Meira að segja strákarnir urðu að viðurkenna að það hefði verið gaman. Við höfðum þurft að kaupa þá með nammi til að samþykkja að fara þangað en nú vilja þeir fara aftur á morgun.
Eftir fornminjamenningu kíktum við á kaffihús í nýja Nýja Bíó húsinu í Lækjargötu og svo beint í kaffi hjá Pésa bróður og Tótu í nýju íbúðinni á Bergstaðastræti.
Loks var hjólað aftur heim í Vogana.
Nú sit ég og ætti að vera að lesa um Talgreiningu fyrir kúrsinn sem ég á skráður á í NGSLT en pressan er ekki orðin nógu mikil.
Ég ætti svo sem líka að vera farinn að kíkja í bækur fyrir hinn kúrsinn sem ér er í og Magga Dóra kennir en ég var svo "gáfaður" að panta bækurnar í netverslun bóksölu stúdenta og er því ekki enn búinn að fá þær - stjúpíd mí.

2004-09-01T23:11:00.000Z

Ég og Inga á Spáni. Fyrsta sólarlandaferðin mín og ég átti von á því að andast úr leiðindum og hita innan 2ja daga en maður komst fljótt inn í spánski letilíf með síesta, hvítvíni og sjóböðum.

2004-09-01T22:56:00.000Z

Ég í grindinni í sumar. Kannski ekki svo slæm staða en það er ástæða fyrir að ég er einn á myndinni og hún er ekki sú að ég var langfyrstur ;-)

Halló heimur

2004-09-01T22:12:00.000Z

Jæja, ég hef nú svo sem reynt þetta áður: að byrja að blogga - hafði ekki þolinmæði í það síðast en nú ætla ég að vera duglegur.
Það hefur svo margt gerst síðan síðast og sú saga er jú líka týnd í iðrum netsins. Ég ætla því að íþyngja lesendum með smá catch-up:

1. Ég byrjaði í meistarnámi í Tungutækni við HÍ haustið 2002. Verð örugglega tíu ár að klára það :( en það er of gaman til að gefast upp.

2. Ég byrjaði að æfa Goju Ryu karate sama haust. Ég æfi með böns af öðrum föllnum fjallahetjum hjá miklum meistara, Sensai Magnúsi. Klúbburinn okkar heitir Nashyrningurinn og ber vott um þá eiginleika sem við reynum að tileinka okkur í bardagaaðferðum okkar.

3. Ég byrjaði að vinna í Calidris haustið 2003. Vinna mín þar kemur nú lítið inn á Tungutæknina en þó eru nöfn í bókunum flugfélaga borin saman eftir hljóðan frekar en stafsetningu, svo þar er smá forrit sem er ættað frá tungutækninni.

4. Ég fékk þá fáranlegu hugdettu síðasta vetur að fara aftur að hlaupa spretti og stökkva stöng eftir 14 ára hlé. Kannski að vitneskja um Landsmótið hafi haft áhrif. Kannski var það fyrir bestu að meiðsli í öxlinni komu í veg fyrir stangarstökksæfingar en þó varð það til þess að ég fór og reyndi að hlaupa grind. Það tókst ekki vel. Ég held mig bara við Karatið.

5. Í sumarfríinu fór ég sem sagt fyrst á Lansmótið, svo til Spánar með hele familien og Magga bróður og hans fjölskyldu. Svo þegar ég kom heim frá Spáni fór ég beint í viku labbitúr á Suður-Grænlandi.